Makrílveiðar - Dagur 28 og hálfur

Fór að veiða í hálfan dag, Makríl við Kópavogshöfn! Mjög sérstakt og skemmtilegt. Fékk 5 Makríla og eitthvað af ufsa etc. En mikið var þetta gaman, krakkarnir voru með og Bubbi veiddi fyrr um daginn 8 stk. sem við borðuðum í kvöldmatnum yfir HM úrslitaleiknum. Alger snilld.

Makríllinn er feitur fiskur og bestur nýveiddur, hann þránar fljótt en verður þá hin allra besta beita fyrir urriðann. Ég sá mér því leik á borði, að næla mér í beitu að auki.

Þetta var semsagt hin besta skemmtun og að auki fengum við í matinn, dálítil Skandinavíustemning á Digranesveginum í gær :)

Nýveiddur makríll úr Kópavogi.

Makríllinn er flakaður og beinahreinsaður, velt upp úr hveiti sem er blandað salti og pipar og steiktur upp úr smjöri. Fyrir þá sem eru með mjólkuróþol er gott að nota olíu og smá smjörlíki.

Ég steikti sætar og venjulegar kartöflur ásamt gulrófum og baunabelgjum með.

Saffransósa passar mjög vel með þessum fiski. En uppskriftin er einföld og fljótleg. Fiskisoð 1 eining, estragon og saffran er sett út í eftir smekk, síðan er þetta soðið niður um helming. Þá er bætt við rjóma, 1 eining, aftur soðið niður um helming. Salt, pipar og sítrónusafi eftir smekk og allt tilbúið.

Ein eining hjá mér er um 2,5 dl. fyrir ca 4-5. Enn og aftur fyrir þá sem eru með mjólkuróþol er gott að nota hafragervirjómann, það er hægt að kaupa þá í ca 2,5 dl. einingum.

Athugasemdir

[Guðmundur Steinsson, 12.7.2010 kl. 10:49]

ertu að taka þetta á flugu?

[Gústaf Gústafsson, 12.7.2010 kl. 11:27]

ekki ennþá, var með spún, ég á ekki salthelda flugustöng :) og tími ekki að taka sénsinn, en hefði voðan gaman af að vita hvort einhver hefur prófað fluguna á þetta.

[Guðmundur Steinsson, 12.7.2010 kl. 11:37]

venjuleg átta virkar vel í sjóinn, bara skola vel eftir á, prófaði að veiða svona á akureyri, tók ekkert, en samt gaman