Vatnadalsá/Staðará á Súganda - Dagur 39

Skrapp í gegnum Göngin til Súganda og fékk að veiða í Vatnadalsá/Staðará, hjá honum Kalla á Bæ. Áin er lítil og nett, vægast sagt. Þetta er hreinlega ein nettasta á sem ég hef reynt við lax í. En hún kom mér á óvart og viti menn, eftir hálftíma var kominn lax. Ég veiddi bara lítinn hluta árinnar enda tíminn knappur, það væri mjög gaman að fara efst og ganga niður með ánni og kasta í vænlega hyli með fjarkann að vopni, en það geri ég kannski seinna. Ég er mjög sáttur við gærkvöldið og hafi gaman af veiðinni enda er þetta svo allt öðruvísi laxveiði.

Áin liðast skemmtilega niður dalinn og sérstaklega er svæðið neðan við Bæ álitlegt en eins og ég sagði þá á ég eftir að skoða stóran hluta árinnar.

Athugasemdir

[Guðmundur (IP-tala skráð) 12.8.2010 kl. 14:57]

Hvað kostar dagurinn í ána?

Annars er frábært að veiða sjóbleikju í ánum sem renna í Syðridalsvatnið í Bolungarvík.

[Gústaf Gústafsson, 12.8.2010 kl. 14:59]

Kalli selur 2,5 daga á 14.000. að því er ég best veit. Ég á eftir að prófa Syðradalsvatnið, kannski ég geri það á eftir.