5 dagar eftir og ekkert planað!

Ný syrtir í álinn hjá þessum veiðimanni. 5 dagar eftir til að ná markmiði ársins og ekkert planað framundan. Þetta gengur auðvitað ekki og nú verður að gera eitthvað róttækt, spurning um að fara í einhver heiðavötn og reyna við ,,síðsumarbleikju", eða kannski gera tilraun til að komast í sjóbirting á suð-austurlandi?

Það er allavega ljóst að ekki gengur að láta örfáa daga skyggja á annars skemmtilegt veiðisumar. 45 dagar eru í pokanum og 5 dagar útaf til að ná markmiðinu. Taka skal fram að allar tillögur eru vel þegnar um þessar mundir og ekki myndi ég slá hendinni á móti boði um vikuveiði í Argentínu... :)

En ef einhver er farinn að sjá fram á að þetta takist ekki þá hættið að örvænta, það eru ennþá nokkrir dagar til áramóta og aldrei að vita hvað maður prófar!