Sauðlauksdalsvatn í svaka fjöri

það vantaði ekki fiskinn í Sauðlauksdalsvatnið þegar ég var þar við veiðar í gær, sunnudaginn 18. maí.

20 fiskar á fjórum tímum, 16 urriðar og 4 sjóbleikjur. Töluverður vindur var og tók ég flesta fiskana á nokkurra metra kafla. Það myndaðist strengur með oddanum sem sést á myndinni hér fyrir neðan og rákir af froðu. Silungurinn var mikið í froðunni og mikil læti í honum.

Krakkarnir voru í essinu sínu á þessu svæði enda hentar það mjög vel fyrir fjölskyldur. Nóg af hvítum sandi og stöðum til að kanna. Vatnið er aðgrunnt og því þarf maður litlar áhyggjur að hafa.

Ég tók flesta fiskana á Peacock #14. Einfaldan og með svörtum hálsi og kúluhaus. Sú fluga virðist heilla silung nánast hvar sem er.

Ég skellti saman myndbandi og tónlistin er eftir hann pabba, Gústaf Gústafsson eldri og heitir lagið Þjóðvegur 60.

Athugasemdir

[Daníel Galvez (IP-tala skráð) 22.5.2014 kl. 00:11]

Sauðlaukurinn flottur...